ઉચ્છલનાં ત્રણ રસ્તા પાસેથી મોઢે માસ્ક પહેર્યા વગર એક ટ્રક ચાલકને ઝડપી પાડી કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો ગુરુવારે ખાનગી વાહનમાં બેસી પેટ્રોલીંગમાં નીકળ્યા હતા. તે દરમિયાન ઉચ્છલના ત્રણ રસ્તા પાસે ઉચ્છલ નિઝર જાહેર રોડ ઉપરથી એક ટાટા ટ્રક નંબર જીજે/05/વાયવાય/6262નો ચાલક પંકજભાઈ ગોવિંદભાઈ ગામીત રહે.હનુમંતીયા નિશાળ ફળિયું,  સોનગઢનાએ પોતાના કબ્જાની ટ્રકની કેબીનમાં પેસેંજર વચ્ચે સેફ ડીસ્ટન્સ રાખ્યા વગર અને મોઢે માસ્ક પહેર્યા વગર વાહન ચેકીંગમાં ઝડપાઈ ગયા હતા. બનાવ અંગે પોલીસ કોન્સ્ટેબલ દાનુભાઈની ફરિયાદના આધારે પંકજ ગામીત વિરુદ્ધ ગુનો નોંધી આગળની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)