તાપી જિલ્લાનાં વાલોડ તાલુકાનાં મોરદેવી ગામે ગતરોજ બપોરના સમયે હળપતિવાસમાં રહેતા મોરદેવી ગામના માજી ઉપસરપંચ અરવિંદભાઈ રાઠોડ માનસિક તાણમાં રહેતા હતા જેથી સવારે 10 વાગ્યાના સમયે તેમના પત્નીએ નદી કિનારે માછલા પકડવા જવાનું કહી ઘરેથી નીકળી ગયા હતા.

ત્યારબાદ બપોરના ત્રણેક વાગ્યાના અરસામાં તેમને બસ સ્ટેન્ડની પાછળ આવેલ હાટ બજારમાં મેદાનમાં પોતાના શરીર પર કેરોસીન છાંટી આગ ચાપી દીધી હતી. તેને બચાવવા માટે ફળિયાના યુવકો તેના ઉપર પાણી નાખી બચાવવાનો પ્રયાસ કરી રહ્યા હતા પરંતુ યુવકોને સફળતા ન મળી. માજી સરપંચે જીવન ટૂંકાવી દેવાની ઘટનાને પગલે મોટા ભગાના લોક ભેગા થઈ ગયા હતા. ત્યારબાદ લોકોએ 108નો સંપર્ક કરી જેથી 108માં ફરજ બજાવતા ડોકટરે અરવિંદભાઈને તપાસી તેમને મૃત જાહેર કર્યા હતા. બનાવ અંગે પોલીસે વધુ તપાસ હાથ ધરી હતી.