વ્યારા નગરનાં ખુ.મા.ગાંધી શાળાના બાળકોએ ગુરૂપૂર્ણિમાની ઓનલાઈન ઉજવણી કરી હતી. ગુરૂપૂર્ણિમાના પાવન દિને બાળકોમાં ગુરૂ પ્રત્યે આદરભાવ જળવાય અને સંસ્કારોનું સિંચન થાય તેવા શુભ હેતુ સાથે શાળા પરિવારે વિદ્યાર્થીઓને પોતાના માતા-પિતા પણ ગુરૂ સમાન હોવાનું જણાવી તેઓનું પૂંજન કરી ઓનલાઈન ઉજવણીના વિડિયો અપલોડ કરવા જણાવ્યું હતું.જેમાં શાળાના વિદ્યાર્થીઓએ ભાગ લઇ પ્રેરક પ્રેઝન્ટેશન રજુ કર્યા હતા.

શાળાના આચાર્ય સેજલ શાહે જણાવ્યું હતું કે, ધો.૧ થી ૪ના વિદ્યાર્થીઓએ સંસ્કૃતના ૩ શ્લોકનું ગાન રજુ કર્યું હતું. જેમાં કુલ-૨૯ બાળકોએ ભાગ લીધો હતો. જ્યારે ધોરણ પ થી ૮ના વિદ્યાર્થીઓ માટે માતા-પિતાની ગુરૂવંદના કરી હતી. જેમાં કુલ ૧૦ બાળકોએ ભાગ લીધો હતો. જેમાં પ્રથમ નંબરે રાણા ક્રિશા, દ્વિતિય નંબરે મીત પ્રદિપભાઈ ચૌધરી અને તૃતિય ક્રમે પારેખ ધ્રુવી આવ્યા હતા. શાળા પરિવાર અને વાલીઓએ બાળકોને અભિનંદન આપ્યા હતા.