વાલોડ તાલુકાના બાજીપુરા ગામનાં ગાંગજી ફળિયુંમાં સમસ્ત ગ્રામજનો, દાતાઓ અને ભાવિક ભક્તોના સહયોગથી પુજ્યશ્રી જલારામ બાપાના મંદિરનુ ભવ્ય નિર્માણ કરવામાં આવ્યું છે. જેમાં ગત તા.11/11/2021ને ગુરુવારના રોજ પુજ્ય બાપાની 222મી જન્મ જયંતિના પાવન દિવસે શાસ્ત્રોયુકત વિધી અને અત્યંત ભક્તિ ભાવ પુર્વક પ્રાણપ્રતિષ્ઠા મહોત્સવનુ ભવ્ય આયોજન કરી ભાવિક ભક્તો માટે મંદિરના દ્વાર ખુલ્લા મુકવામાં આવ્યા. આ પ્રસંગે ભાવિક ભક્તોએ મહાયજ્ઞ કરી ઉપસ્થિત ભક્તો માટે મહાપ્રસાદનુ પણ આયોજન કરવામાં આવ્યું હતું. બાજીપુરાના ગ્રામજનોએ એકતાના સંદેશ સાથે ભારે જહેમત ઉઠાવી સમગ્ર કાર્યક્રમનું સફળ સંચાલન કર્યું હતું.