ઉચ્છલ તાલુકાનાં ભીતબુદ્રક ગામમાંથી દેશી દારૂની 12 બાટલીઓ સાથે એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો સાંજે ખાનગી વાહનમાં બેસી  પ્રોહી. ગુન્હા અંગેની રેઈડમાં નીકળેલ હતા. તે દરમિયાન મળેલ ખાનગી બાતમીના આધારે, ભીતબુદ્રક ગામનાં  પટેલ ફળિયામાં રહેતા સુરેશભાઈ ખેતીયાભાઈ ગામીતએ વગર પાસ પરમિટે પોતાના ઘરની બાજુમાં આવેલ પજારીના ભાગે એક કાપડની થેલીમાં દેશી દારૂની કુલ 12 બાટલીઓ સંતાડી મૂકી હતી જે પોલીસ રેઈડમાં મળી આવી હતી. બનાવ અંગે પોલીસ કોન્સ્ટેબલ દાનુભાઈની ફરિયાદના આધારે સુરેશ ગામીત  વિરુદ્ધ ગુનો નોંધી આગળની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)