ઉચ્છલ તાલુકાનાં નારણપુર ગામમાંથી દેશી દારૂ સાથે એક ઈસમને ઝડપી પાડી કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો શુક્રવારે સાંજે ખાનગી વાહનમાં બેસી ગવાણ ઓપી વિસ્તારમાં પેટ્રોલીંગમાં હતા. તે દરમિયાન ફરતા-ફરતા નારણપુર ગામે આવતા અને પોલીસને મળેલ ખાનગી બાતમીના આધારે, નારણપુર ગામના ઉમરદા ફળિયામાં રહેતા ગજુભાઈ આદમભાઈ વસાવાએ વગર પાસ પરમિટે પોતાના ઘરની બાજુમાં આવેલ પજારીમાં દેશી દારૂ રાખેલ છે જે બાતમીના આધારે પોલીસે સ્થળ પર જઈ રેઈડ કરતા એક કાપડની થેલીમાં દેશી દારૂની 50 બોટલ મળી આવી હતી. બનાવ અંગે પોલીસ કોન્સ્ટેબલ આનંદભાઈની ફરિયાદના આધારે ગજુ વસાવા વિરુદ્ધ ગુન્હો નોંધી કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)