વ્યારા તાલુકાના મગરકુઈ ગામના જાગૃતિ ફળિયામાં રહેતા, કૌશિકભાઈ લક્ષ્મણભાઈ ગામીતના ઘરની પાછળ કેટલાક ઈસમો ગંજીપાનાનો હારજીતનો તીન પત્તીનો જુગાર રમતા હોવાની અંગત બાતમીના આધારે એલ.સી.બી.ના પોલિસ સ્ટાફના માણસોએ સ્થળ ઉપર જઈ રેડ કરતા ઘરના ઓસરીના ભાગે ઘર માલિક સહીત 9 ઈસમો જુગાર રમતા ઝડપાઈ ગયા હતા. પોલીસે દાવ ઉપરના રોકડા રૂપિયા 1900/- તથા અંગઝડતીના રોકડા રૂપિયા 25,650/- મળી કુલ રૂપિયા 27,550/- તથા 5 નંગ મોબઈલ, 4 મોટરસાઈકલ આમ કુલ મળી રૂપિયા 1,15,550/-નો મુદ્દામાલ કબ્જે કરી જુગારધારાની કલમ મુજબની કાર્યવાહી કરી આગળની તપાસ વ્યારા પોલીસને સોંપવામાં આવી હતી.