વ્યારાના તાલુકાના આસપાસના વિસ્તારમાં અવાર-નવાર દીપડો નજરે પડતા હોય છે જેથી જે તે વિસ્તારના લોકોમાં ભય જોવા મળે છે. જયારે શનિવારના રોજની વાત કરીએ તો વ્યારાના વાઘઝરી  ગામમાં રહેણાંક વિસ્તારમાં રમેશભાઈ ગામીતના ઘરે દીપડાએ કોઢરમાં વાછરડાનો શિકાર કર્યો હતો. જોકે પશુ-પાલકની સજાગતાને કારણે શિકાર લીધા વગર દીપડો ભાગી ગયો હતો. પરંતુ દીપડો ગામમાં આવાને પગલે ખેડૂતો અને પશુપાલકોમાં ભયનો માહોલ ઉભો થયો હતો. દીપડાને પકડવા માટે વ્યારા વન વિભાગની ટીમને જાણ કરાતા આરએફઓએ ટીમને મોકલી દીપડો જ્યાં નજરે ત્યાં મરઘીના મારણ સાથે પાંજરું મુકી દેવાયું હતું. જેથી રાત્રી દરમિયાન મરઘી ખાવાની લાલચમાં 4 વર્ષીય દીપડી પાંજરે પુરાઈ હતી. આમ, વનવિભાગએ દીપડીનો કબ્જો લઈને જંગલમાં છોડવાની તજવીજ હાથ ધરી દેવામાં આવી હતી.