તાપીના કુકરમુંડા તાલુકાના ભારતીય કિસાન સંઘ દ્વારા ગુજરાત રાજ્યના ખેડૂતોઓને અનેક સમસ્યાઓ સતાવી રહી છે. જેનો અંત આવે તે હેતુથી મામલતદાર મારફતે મુખ્યમંત્રી અને દેશના વડાપ્રધાનને આવેદનપત્ર આપવામાં આવ્યું છે. કુકરમુંડા તાલુકો ઉકાઈ અસરગ્રસ્ત ટ્રાયબલ વિસ્તાર છે. કુકરમુંડાના અનેક લોકોની જમીન ઉકાઈ જળાશય માટે સરકારએ સંપાદિત કરેલ છે છતાં ખેડૂતોને સિંચાઈની અપૂરતી સુવિધા હોવાથી મુશ્કેલીનો સામનો કરવો પડે છે.

જમીનનુ જે પ્રમોલગેશન થયુ છે તે રિસર્વે કરવા અંગે અને ખાસ અમારા તાલુકામાં ઘણા ગામોના જમીનનું પ્રમોલગેશન થયુ જ નથી તે તાત્કાલીક ખેડૂતોને વિશ્વાસમાં રાખી કરાવવા અંગે, ઉકાઈ સંપાદીત જમીનોનુ જે પ્રમોલગેશન થયુ છે. અમારા વિસ્તારમાં દક્ષિણ ગુજરાત વીજ કંપનીએ જે ખેડૂતોને નવી લાઈન આપી વીજ જોડાણ આપવાનું થાય છે. તે ખૂબ જ મંથરગતીને કામ ચાલતુ હોવાથી ખેડૂતો સિંચાઈની સુવિધા વગર મુશ્કેલી મુકાયા છે. સત્વરે વીજળીનું કામ થાય તેમજ વીજ કંપની દ્વારા ખેડૂતોને વીજળી 10 થી 12 કલાક મળવી જોઈએ. ઉપરોક્ત એવા અનેક પ્રશ્નોનું નિરાકરણ સરકાર જો તાત્કાલિક ન લાવે તો ભવિષ્યમાં ઉગ્ર આંદોલનનો કાર્યક્રમ કરવાની ચીમકી ઉચ્ચારવામાં આવી છે.