વ્યારાના બેડકુવાદુર ગામના આંબલી ફળિયામાં રહેતો રાહુલ શૈલેષભાઈ ચૌધરી તથા ચાપાવાડીના ભાઠી ફળિયાના રહેવાસી ગણેશ ગણપતભાઈ ગામીત છેલ્લા એકાદ વર્ષથી એક યુવતીનો પીછો કરી છેડતી કરી હેરાન કરતા હતા. યુવતી વ્યારાના જીલ્લા સેવા સદન ખાતેના બ્લોક નંબર-10 પાસેના પાર્કિંગમાં પોતાનું મોપેડ પાર્ક કરતી હતી.

તે સમય દરમિયાન એક સફેદ કલરની ફોરચુનર ફોર વ્હીલરમાં આવેલા બે યુવકો પૈકી એક યુવક રાહુલ ચૌધરીએ નીચે ઉતરી યુવતી પાસે આવી પાછળથી કમરના ભાગે અચાનક પકડી લઈ, આજે તો તને લઈ જ જવાનો છું એમ કહીને ખેચી જઈ અપહરણ કરવાની કોશિશ કરી હતી. ત્યારે પોલીસે રાહુલ ચૌધરી અને તેની સાથેનો યુવક ગણેશ ગામીતની અટક કરી પોલીસે બંને આરોપીઓ સામે ગુનો નોંધી વધુ તપાસ હાથ ધરી હતી.