સોનગઢના ચાંપાવાડી ગામ પાસે 2 બાઈક વચ્ચે થયેલા અકસ્માતમાં 1 યુવકનું સ્થળ પરજ મોત નિપજ્યું હોવાનો બનાવ સોનગઢ પોલીસ મથકે નોંધાયો છે.

મળતી માહિતી અનુસાર, સોનગઢ તાલુકાના ચાંપાવાડી ગામના દેવળ ફળિયા પાસે તા.9 મી ઓગસ્ટે સોનગઢથી આહવા તરફ જતા માર્ગ ટીવીએસ અપાચે બાઈક નંબર જીજે/26/આર/5039ના ચાલકે પોતાની કબજાની અપાચે બાઈક પુરઝડપે અને ગફલતભરી રીતે હંકારી લાવી સામેથી આવતી સ્પ્લેન્ડર બાઈક નંબર જીજે/એએ/7498ને અથડાવી દેતા, બાઈક ચાલક રાકેશભાઈ રંગાભાઈ ગામીત (ઉ.વ.24) રહે.ટોકરવા ગામ, ઘાટ ફળિયું તા.સોનગઢ નાને શરીરે ગંભીર ઈજાઓ પહોંચતા સ્થળ પરજ મોત નિપજ્યું હતું. બનાવ અંગે મૃતક યુવકના પિતા રંગાભાઈ ઠાકોરભાઈ ગામીતની ફરિયાદના આધારે ટીવીએસ અપાચે બાઈકના ચાલક સામે પોલીસે ગુનો નોંધી વધુ તપાસ હાથ ધરી છે.