ડોલવાણ તાલુકાનાં વાંકલા ગામમાંથી દેશી દારૂના મુદ્દામાલ સાથે એક મહિલાને ઝડપી પાડી પોલીસે કાયદેસરની કાર્યવાહી હાથ ધરી હતી.

તાપી એલ.સી.બી. પોલીસ સ્ટાફના માણસો સોમવારે બપોરના સમયે પ્રોહી. ગુન્હા અંગેની રેડમાં નીકળેલ હતા. તે દરમિયાન મળેલ ખાનગી બાતમીના આધારે, વાંકલા ગામનાં મંદિર ફળિયામાં રહેતી,  ચંચુબેન અમ્રતભાઈ કોટવાળીયાએ પોતાના ઘરની પજારીના ભાગે વગર પાસ પરમિટે એક પ્લાસ્ટિકના કેનમાં સંતાડી મુકેલ દેશી દારૂનાં મુદ્દામાલ સાથે પોલીસ રેડમાં ઝડપાઈ ગઈ હતી. બનાવ અંગે પોલીસ કોન્સ્ટેબલ વિનોદભાઈની ફરિયાદના આધારે મહિલા વિરુદ્ધ ગુન્હો નોંધી આગળની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)