વાલોડનાં તાલુકાનાં બાજીપુરા ગામમાંથી દેશી દારૂના સાથે એક મહિલાને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, વાલોડ પોલીસ સ્ટાફના માણસો ખાનગી વાહનમાં બેસી બુધવારે મોડી સાંજે પેટ્રોલીંગમાં નીકળ્યા હતા. તે દરમિયાન મળેલ ખાનગી બાતમીના આધારે, બાજીપુરા ગામનાં આથમણું  ફળિયામાં રહેતી, નિકિતાબેન ધનસુખભાઈ હળપતિએ પોતાના ઘરના રસોડામાં એક કાપડની થેલીમાં વગર પાસ પરમિટે સંતાડી મુકેલ દેશી દારૂના મુદ્દામાલ સાથે પોલીસ રેઈડમાં ઝડપાઈ ગઈ હતી. બનાવ અંગે પોલીસ કોન્સ્ટેબલ કૈલાશભાઈની ફરિયાદના આધારે મહિલા વિરુદ્ધ ગુન્હો નોંધી કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)