સોનગઢ નગરમાં ફેસબુક પર મુસ્લિમ સમાજના લોકોની ધાર્મિક લાગણી દુભાય તેવી પોસ્ટ કરનાર યુવક વિરુદ્ધ સોનગઢ પોલીસે ગુનો દાખલ કરી કાયદેસરની કાર્યવાહી હાથ ધરી હતી. મળતી માહિતી અનુસાર સોનગઢના રમણીયપાર્કમાં રહેતો ભૂષણ સોની એ તેના ફેસબુકમાં મુસ્લિમ ધર્મની લાગણી દુભાય તેવો ફોટો લખાણ પોસ્ટ કરેલ હોય જેમાં એક કોમના લોકોની ધાર્મિક લાગણી દુભાય તેવી પોસ્ટ અને શબ્દો હતા.

ફેસબુક પર મદીનાની મસ્જીદના ફોટામાં મસ્જીદની ગુંબજ  ઉપર પગ મૂકી એક વ્યક્તિ ઉભેલ છે, તેવો ફોટો તથા તેમાં હિન્દીમાં “ આંખ ઉઠાઈ જો હિંદુઓ કી ઓર ..ભરે રસ્તે મેં ફાડ દુંગા મોકા મિલા તો ભગવા ધ્વજ હર મસ્જીદ પે ગાડ દુંગા” લખેલ હોય,તેવી પોસ્ટ ભૂષણ સોનીએ તેના ફેસબુક એકાઉન્ટમાં અપલોડ કરેલ હોવાનું નગરના મુસ્લિમ સમાજના આગેવાનોને જાણ થતા હયાતખાન હમીદખાન પઠાન રહે,અક્ષાનગર, કન્યા છાત્રાલયની સામે. સોનગઢ નાઓએ ભૂષણ સોની વિરુદ્ધ સોનગઢ પોલીસ મથકે ફરિયાદ કરી હતી જેમની ફરિયાદના આધારે પોલીસે ભૂષણ સોની વિરુદ્ધ ગુનો નોંધી કાયદેસરની કાર્યવાહી હાથ ધરી હતી.