વ્યારના દક્ષિણાપથ વિવિધલક્ષી વિધાલય ખાતે સાહિત્ય સેતુ ગૃપ અને દક્ષિણાપથના સયુકતક્રમે વિશ્વ મહિલા દિવસની ઉજવણીના ભાગ રૂપે વિવિધ ક્ષેત્રે મહિલાઓની સમસ્યાઓ અને સમાધાન તથા વ્યાખ્યાન અને કવિ સંમેલન યોજાયું હતું. આ પ્રસંગે કે.કે.કદમ વિધાલયના આચાર્ય સંગીતાબેન ચૌધરીએ વિધાર્થીઓને તણાવમુક્ત અભ્યાસ વિષે, ડો.દ્રષ્ટી સોલંકીએ આરોગ્યની આચાર સંહિતા અને કોરોના વિષે માહિતી આપી હતી. કાવ્ય ગોષ્ઠીમાં સંગીતાબેન ચૌહાણ, ઉર્મિલાબેન ભટ્ટ, સુદેવભાઈ, સુજાતાબેન બોળીયા, કે.એન.પરમાર, પૂર્ણિમાબેન ભટ્ટ, ઉમેશ તામશે, અને સાહિત્ય સેતુ ગ્રુપના અધ્યક્ષ નૈષેધ મકવાણાએ નારી ચેતના, માતા, માતૃત્વ, પ્રણય વેગેર વિષયો ઉપર કાવ્યો રજુ કાર્ય હતા.