ઉચ્છલ તાલુકાનાં ભીતખુર્દ ગામમાંથી દેશી દારૂના રસાયણ બનાવવાના મુદ્દામાલ સાથે એક ઈસમને ઝડપી પાડી કાયદેસરની કાર્યવાહી હાથ ધરવામાં આવી હતી.

મળતી માહિતી મુજબ, ઉચ્છલ પોલીસ સ્ટાફના માણસો શુક્રવારે મોડી સાંજે પ્રોહી. ગુન્હા અંગેની રેડમાં નીકળેલ હતા તે દરમિયાન મળેલ ખાનગી બાતમીના આધારે, ભીતખુર્દ ગામમાં રહેતા દિલીપભાઈ સુરતાનભાઈ ગામીતએ વગર પાસ પરમિટે બે મોટા કેરબામાં ગોળ મહુડાનું મિશ્રણવાળું રસાયણ પોતાના ઘરની પજારીના ભાગે સંતાડી મુકતા પોલીસ રેડમાં ઝડપાઈ ગયા હતા. બનાવ અંગે પોલીસ કોન્સ્ટેબલ દાનુભાઈની ફરિયાદના આધારે દિલીપ ગામીત વિરુદ્ધ ઉચ્છલ પોલીસ મથકે ગુન્હો નોંધી કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)