ઉચ્છલ તાલુકાનાં નારાણપુર ગામમાંથી દેશી દારૂના મુદ્દામાલ સાથે એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો ખાનગી વાહનમાં બેસી સોમાવરે સાંજે પ્રોહી. ગુન્હા અંગેની રેડમાં નીકળેલા હતા. તે દરમિયાન મળેલ ખાનગી બાતમીના આધારે, નારાણપુર ગામનાં, નાની નીરગુડી ફળિયામાં રહેતા, ભાવુભાઈ શાંતાભાઈ વસાવાએ પોતાના ઘરની પજારીના ભાગે વગર પાસ પરમિટે એક પ્લાસ્ટિકના કેનમાં સંતાડી મુકેલ દેશી દારૂનાં મુદ્દામાલ સાથે પોલીસ રેડમાં ઝડપાઈ ગયા હતા. બનાવ અંગે પોલીસ કોન્સ્ટેબલ અતુલભાઈની ફરિયાદના આધારે ભાવુ વસાવા વિરુદ્ધ ઉચ્છલ પોલીસ મથકે ગુન્હો નોંધી કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)