નિઝરનાં સાયલા ગામે વરલી મટકાનો જુગાર રમાડતા એક ઈસમને પોલીસે ઝડપી પાડી કાયદેસરની કાર્યવાહી હાથ ધરી હતી.

 

 

 

નિઝર પોલીસ સ્ટાફના માણસો ને મળેલ બાતમીના આધારે, સાયલા ગામમાંથી પસાર થતા જાહેર રસ્તાની બાજુમાં જાહેરમાં વરલી મટકાના આંકો લખવા બેસેલ ગણેશભાઈ મહેન્દ્રભાઈ વળવી રહે.નવલપુર ગામનાને મુંબઈથી નીકળતા વરલી મટકાના આંકડા ઉપર હારજીતનો જુગાર રમાડતા, જુગારના સાધનો તથા રોકડ રકમ સહિતના મુદ્દામાલ સાથે ઝડપી પાડવામાં આવ્યો હતો.

 

 

 

બનાવ અંગે પોલીસ કોન્સ્ટેબલ ભરતભાઈની ફરિયાદના આધારે ગણેશ વળવી વિરુધ્ધ ગુનો દાખલ કરી કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)