તાપી એલસીબી પોલીસ સ્ટાફના માણસોને બુધવારે બપોરે મળેલ ખાનગી બાતમીના આધારે, ઉચ્છલના લીમબાસોટી ગામના નિશાળ ફળિયામાં ચાલતા વરલી મટકા જુગારના અડ્ડા પર રેડ કરી હતી. તે સમયે સ્થળ પરથી રાજકુમારભાઈ મધુભાઈ વસાવા રહે.નિશાળ ફળિયામાં, લીમબાસોટી  ગામનાને મુંબઈથી નીકળતા વરલી મટકાના આંક પર હારજીતનો જુગાર રમાડતા ઝડપી પાડવામાં આવ્યો હતો. પકડાયેલ આરોપી પાસેથી પોલીસે જુગારના સાધનો અને રોકડ રૂપિયા 4350/- મળી કુલ રૂપિયા 4450/-નો મુદ્દામાલ કબ્જે કરી પીન્ટુભાઈ ગોવિંદભાઈ સોનાર રહે.શાસ્ત્રી નગર, નવાપુરનાને વોન્ટેડ જાહેર કરી પોલીસ ગુનો નોંધી કાયદેસરની કાર્યવાહી હાથ ધરી હતી.