ડોલવણનાં ચાકદરા ગામમાંથી દેશી દારૂના મુદ્દામાલ સાથે એક શખ્સને ઝડપી પાડી કાયદેસરની કાર્યવાહી હાથ ધરવામાં આવી હતી.

મળતી માહિતી મુજબ, ડોલવણ પોલીસ સ્ટાફના માણસો રવિવારે મોડી સાંજે ખાનગી વાહનમાં બેસી ગડત બીટ વિસ્તારમાં પ્રોહી. ગુન્હા અંગેની રેડમાં નીકળેલ હતા. તે દરમિયાન મળેલ ખાનગી બાતમીના આધારે, ચાકદરા ગામનાં ઉપલા ફળિયામા રહેતા પરેશભાઈ લાશુભાઈ કોંકણીએ વગર પાસ પરમિટે પોતાના રહેણાક મકાનની પજારીમા દેશી દારૂનાં મુદ્દામાલ સાથે પોલીસ રેડમાં ઝડપાઈ ગયા હતા. બનાવ અંગે પોલીસ કોન્સ્ટેબલ શરદભાઈની ફરિયાદના આધારે પરેશ કોંકણી વિરુદ્ધ ગુનો નોંધી કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)