ઉચ્છલ તાલુકાનાં મીરકોટ ગામમાંથી દેશી દારૂના મુદ્દામાલ સાથે એક શખ્સને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, જિલ્લા એલસીબી પોલીસ સ્ટાફના માણસો રવિવારે સાંજે ખાનગી વાહનમાં બેસી પ્રોહી. ગુન્હા અંગેની રેડમાં નીકળેલ હતા. તે દરમિયાન મળેલ ખાનગી બાતમીના આધારે, મીરકોટ ગામનાં કારભારી ફળિયામાં રહેતા, અવિનાશભાઈ યશવંતભાઈ ગામીતએ પોતાના ઘરમાં વગર પાસ પરમિટે પ્લાસ્ટિકના કેનમાં સંતાડી મુકેલ દેશી દારૂનાં મુદ્દામાલ સાથે પોલીસ રેડમાં ઝડપાઈ ગયા હતા. બનાવ અંગે પોલીસ કોન્સ્ટેબલ પ્રકાશભાઈની ફરિયાદના આધારે અવિનાશ ગામીત વિરુદ્ધ ગુનો નોંધી આગળની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)