ઉચ્છલ તાલુકાનાં સુંદરપુર ગામમાંથી નવાપુર તરફ જતા જાહેર રોડ ઉપરથી એક ઈસમ નશાની હાલતમાં બાઈક હંકારી લાવતો ઝડપાતા પોલીસે કાયદેસરની કાર્યવાહી હાથ ધરવામાં આવી હતી.

મળતી માહિતી મુજબ, ઉચ્છલ પોલીસ સ્ટાફના માણસો રવિવારે મોડી સાંજે સુંદરપુર ગામનાં જાહેર રોડ ઉપર, સુંદરપુરથી નવાપુર તરફ જતા હાઈવે રોડ ઉપર વાહન ચેકીંગમાં હતા. તે દરમિયાન નવાપુર તરફથી આવતી એક કાળા કલરની સ્પ્લેન્ડર નંબર વગરની મોટરસાઈકલનો ચાલક આશીષભાઈ રૂપસીંગભાઈ વસાવા રહે.ભડભૂંજા ગામ, સ્ટેશન ફળિયું, તા.ઉચ્છલનાને વગર પાસ પરમિટે કોઈ કેફી પીણું પીધેલ હાલતમાં પોતાના કબજાની બાઈક વાંકી-ચૂંકી રીતે હંકારી લઈ આવતા વાહન ચેકીંગમાં ઝડપાઈ ગયો હતો. બનાવ અંગે પોલીસ કોન્સ્ટેબલ દાનુભાઈની ફરિયાદના આધારે, આશીષ વસાવા વિરુધ્ધ કાયદેસરની કાર્યવાહી હાથ ધરવામાં આવી હતી. (મનિષા સુર્યવંશી દ્વારા વ્યારા)