સોનગઢ તાલુકાના દક્ષિણના ગામોમાં બોગસ તબીબને ઝડપી પાડવામાં જીલ્લા એસઓજી ટીમને સફળતા મળી છે.

 

 

મળતી માહિતી મુજબ તાપી જીલ્લામાં ગેરકાયદેસર હથિયારો તેમજ એક્ષ્પ્લોઝીવ પદાર્થ, નાર્કોટિક્સ પદાર્થ શોધી કાઢવા માટે જીલ્લા પોલીસ અધીકારશ્રીઓ એ સુચના આપેલ હોય જે આધારે એસ.ઓ.જી. શાખાની ટીમ સોનગઢ પોલીસ સ્ટેશન વિસ્તારમાં પેટ્રોલિંગમાં હતી.

 

 

તે દરમિયાન મળેલ બાતમીના આધારે સોનગઢ ના મલંગદેવ ગામે જંગલ ખાતાની ઓફીસની બાજુમાં રમેશભાઈ બોંદલીયાભાઈ ગામીતની દુકાન જેવા કાચા ઘરમાં આરોપી સુનીલ છગનભાઈ પાટિલ (રહે.પાડવી કોલોની તા.નવાપુર,જી.નંદુરબાર,મહારાષ્ટ્ર) નાને ઝડપી પાડી તપાસ કરતા બોગસ તબીબ પ્રેક્ટીસ કરતો હોવાનું જાણવા મળ્યું હતું.

 

 

આરોપીએ ગુજરાત મેડીકલ કાઉન્સિલ બોર્ડ ખાતે નોંધણી કરાવ્યા વગર તથા સક્ષમ ડીગ્રી વિના ડોક્ટર પ્રેકટીસ કરવા માટે જુદી-જુદી એલોપેથી દવાઓનો જથ્થો મળી આશરે 4,000/-નો મુદ્દામાલ સાથે સુનીલ પાટિલને ઝડપી પાડવામાં જીલ્લા પોલીસને સફળતા મળી હતી, અત્રે ઉલ્લેખનીય છે કે, આ વિસ્તારમાંથી અગાઉ પણ બોગસ તબીબો ને ઝડપી પાડવામાં તાપી પોલીસ ને સફળતા મળી હતી. ત્યારે વધુ એક બોગસ તબીબ ને ઝડપી પાડી પ્રશંસનીય કામગીરી કરી છે.