તાપી જીલ્લાના ઉચ્છલ તાલુકામાં ભડભૂંજા ગામમાંથી 9 વર્ષીય રવિ રામસિંગભાઈ પાડવી નામનો બાળક મળી આવ્યો હતો. પોતાના ઘર તથા વિસ્તારથી અજાણ આ બાળકને હાલ ચિલ્ડ્રન હોમ તાડકુવા વ્યારા ખાતે રાખવામાં આવેલ છે.

આ બાળક એક મહિનાથી પોતાના પરિવારજનોથી દુર છે અને બાળકના પરિવારની અત્યાર સુધી કોઈપણ પ્રકારની તંત્રને માહિતી મળી નથી.

જીલ્લા બાળ સુરક્ષા એકમ તેમજ ઉચ્છલ પોલીસ સ્ટેશન દ્વારા બાળકના વાલીવારસાને શોધવા માટે તપાસ હાથ ધરવામાં આવી રહી છે. આ બાળકના વાલીવારસાને તેણે લઈ જવા માટે બાળકના આધાર રજુ કરી જીલ્લા બાળ સુરક્ષા અધિકારી તાપીનો સંપર્ક કરવાનો રહેશે.