સોનગઢના જામખડી ગામે બુટલેગરે ખાખરાના ઝાડો પાસે સંતાડેલો રૂપિયા 14 હજારનો ઈંગ્લીશદારૂ સોનગઢ પોલીસ સ્ટાફના માણસોએ ઝડપી પાડી બુટલેગરને વોન્ટેડ જાહેર કર્યો હતો.

મળતી માહિતી અનુસાર સોનગઢ પોલીસ સ્ટાફના માણસોને મળેલ બાતમીના આધારે ગુરુવારે જામખડી ગામના દેવલપાડા ફળીયામાં રહેતો ઈશ્વરભાઈ જયંતીભાઈ ગામીતના ત્યાં રેડ કરી હતી. જોકે ઘર બંધ હોય ઘરનીથી થોડેદુર ખાખરાના ઝાડની આસપાસમાં તપાસ કરતા અલગ અલગ બ્રાંડની ઈંગ્લીશ દારૂની કુલ બાટલીઓ નંગ 240 જેની કિંમત રૂપિયા 14,400/- નો પ્રોહી મુદ્દામાલ મળી આવ્યો હતો. જોકે ઈશ્વરભાઈ ગામીત ઘરે હાજર નહી મળી આવતા તેને વોન્ટેડ જાહેર કરવામાં આવ્યો હતો.બનાવ અંગે પોલીસ કોન્સ્ટેબલ ચન્દ્રકાન્તભાઈની ફરિયાદના આધારે ઈંગ્લીશ દારૂનો મુદ્દામાલ કબજે કરી ઈશ્વરભાઈ જયંતીભાઈ ગામીત સામે ગુનો દાખલ કરવામાં આવ્યો હતો.