સુરત એસઓજી પોલીસે ચાર વર્ષીય ગુમ બાળકી અને તેની માતાને શોધી કાઢ્યા હતા. જોકે આ માતા અને દીકરી મહારાષ્ટ્ર રાજ્યનાં ધુલિયા જિલ્લાનાં દેવપુર તાલુકાનાં વતની હોય તેઓને એસઓજી પોલીસે માંગરોળ તાલુકાનાં નવાપરા ખાતેથી શોધી કાઢી આગળની કાર્યવાહી હાથ ધરી હતી. સુત્રો પાસેથી મળતી માહિતી અનુસાર, અધિક પોલીસ મહાનિર્દેશક ડો.એસ.પી. તેમજ પોલીસ અધિક્ષક નાઓએ ગુમ-અપહરણ થયેલ વ્યક્તિને શોધી કાઢવા સૂચના આપેલ જે અનુસંધાને એસઓજી પોલીસ સ્ટાફના માણસોએ અલગ અલગ ટીમો બનાવી ટેકનિકલ એનાલીસીસ તથા હ્યુમન ઇંન્ટેલીજન્સ દ્વારા તપાસ હાથ ધરી હતી.

તે દરમ્યાન એસઓજી શાખાના નાઓને બાતમી મળી હતી કે, મહારાષ્ટ્ર રાજ્યના ધુલિયા જિલ્લાના દેવપુર ખાતેથી ગુમ થયેલ મહિલા તેની ચાર વર્ષીય બાળકી સાથે માંગરોળ તાલુકાનાં નવાપરા ખાતે વિજય હાર્ડવેરની ગળી, કરશનભાઈની રૂમમાં છે. જે હકીકતના આધારે એસઓજી પોલીસે સ્થળ ઉપર પહોંચી ગુમ થનાર માધુરી સુરજ સિંદે (રહે.દેવપુર ગામ, જિ.ધુલિયા, મહારાષ્ટ્ર) તથા ચાર વર્ષીય બાળકી જાનવી સુરજ સિંદેને શોધી કાઢ્યા હતા અને તેનો કબ્જો દેવપુર પોલીસને સોંપવાની તજવીજ હાથ ધરી હતી.