કોરોના વિરોધી વેક્સિનેશનમાં ભારત દેશે 100 કરોડનો આકડો પાર કરી દીધો છે. આ ઉપલબ્ધિની ઉજવણી સુરત સહિત સમગ્ર દેશમા શરૂ કરવામાં આવી છે. સુરત મહાનગર પાલિકાના હેલ્થ સેન્ટર અને વેક્સીનેશન સેન્ટર પર આજે સવારથી આ ઉજવણી શરૂ કરવામાં આવી છે. પાલિકાના વિવિધ હેલ્થ સેન્ટર ઉપર 100 કરોડ વેક્સિનેશનની ઉજવણી માટે રગોળી તૈયાર કરવામા આવી રહી છે. આ ઉપરાત હેલ્થ સેન્ટરો અને વેક્સીનેશન સેન્ટર પર સેલ્ફી સ્ટેન્ડ મૂકવામા આવશે. રાત્રિના સમયે તમામ બિલોને રોશની કરવા સાથે દીવા પણ પ્રગટાવવામાં આવશે. વેક્સિનેશનની આ સિદ્ધિ માટે કામ કરતા કર્મચારીઓનું સન્માન પણ કરાશે. જે લોકો હજી પણ વ્યક્તિને વેક્સિનેશન બાકી છે તે લોકોને વેક્સિન લેવા માટે પ્રોત્સાહન કરાશે.