સુરતનાં પલસાણા તાલુકાનાં જોળવા ખાતે આવેલ ધર્મનંદન રેસિડન્સી નજીક પાર્ક કરેલ એક ઓટો રિક્ષા કોઈ અજાણ્યા તસ્કરો લઈ જતાં પોલીસ ફરિયાદ નોંધાઈ હતી. સુત્રો પાસેથી મળતી માહિતી અનુસાર પલસાણાનાં જોળવા ગામે આવેલ ધર્મનંદન રેસિડન્સીમાં ફ્લેટ નંબર-214માં રહેતા સુધીર ચંદ્રશેખર મિશ્રા (ઉ.વ.26) કે જેઓ રિક્ષા ડ્રાઈવિંગ કરી ગુજરાન ચલાવે છે અને તેમને ગત તા.9 નવેમ્બરના રોજ રાત્રિના સમયે પોતાની રિક્ષા નંબર જીજે/19/ડબલ્યુબી/2426 તેમની સોસાયટીની નીચેથી પસાર થતાં રોડની સાઈડમાં પાર્ક કરી હતી જોકે રાત્રિ દરમિયાન કોઈ અજાણ્યા તસ્કરો રિક્ષાની ચોરી કરી ગયા હતા. બનાવ અંગે સુધીર મિશ્રાએ પલસાણા પોલીસ સ્ટેશનમાં ફરિયાદ નોંધાવી હતી.