બારડોલી કડોદ રોડ ઉપર આવેલ નંદિની રેસીડેન્સીના ઘર નંબર-37માં રહેતા જગદીશભાઈ હિરાલાલભાઈ પટેલે આપેલી ફરિયાદ મુજબ તેમનો નાનો પુત્ર નિર્મલ પટેલ (ઉ.વ.24) જેને એન્જિનિયરિંગનો અભ્યાસ પૂર્ણ કર્યા બાદ છેલ્લા 2 વર્ષથી નોકરીની તપાસ કરી રહ્યો હતો. પરંતુ તેને કોઈપણ સ્થળે નોકરી ન મળતા પોતે બેકારી અનુભવતા અને સાથે હતાશામાં આવી જતા રાત્રીના સમયે પોતાના મકાનના માળ ઉપરના રૂમમાં પંખા ઉપર લટકી જઈ ગળે ફાંસો ખાઈ આપઘાત કર્યો હતો. આ ઘટનાની જાણ સાથે બારડોલી પોલીસે કાયદેસરની કાર્યવાહી શરુ કરી હતી.