કામરેજના કેનાલ રોડ પર રઘુનંદન સોસાયટીમાં રહેતા 35 વર્ષીય એક યુવકે લોનના હપ્તા ન ભરાતા અનાજમાં નાખવાની દવા પી આત્મહત્યા કરી લીધી હતી.

સુત્રો પાસેથી મળતી માહિતી અનુસાર, સુરત જિલ્લાના કામરેજ તાલુકાનાં કેનાલ રોડ પર આવેલા રઘુનંદન સોસાયટીમાં રહેતો નિલેષ હરિભાઇ જીકાદરા (ઉ.વ.35) એ પોતાના મકાન ઉપર 38 લાખ રૂપિયાની લોન લીધી હતી. જેના લોનના હપ્તા ચાલુ હોય પરંતુ છેલ્લા દોઢેક વર્ષથી નિલેષભાઈનો કામ ધંધો ચાલતો ન હોય અને આર્થિક સંકડામણને કારણે લોનના હપ્તા ભરી શકતો ન હતો. તે સતત માનસિક તણાવમાં રહેતો હતા તેથી સવારે 8.30 વાગ્યાના સુમારે નિલેશે અનાજમાં નાખવાની દવા પી લેતા તેમને તાત્કાલિક હોસ્પિટલમાં ખસેડવામાં આવ્યો હતો. જ્યાં સારવાર દરમ્યાન તેનું મોત નીપજયું હતું. પોલીસે અકસ્માત મોતનો ગુનો નોંધી આગળની તપાસ હાથ ધરી હતી.