સુરતનાં ડિંડોલીમાં આવેલ ઓમ નગર નજીક સવારે આંગડીયા પેઢીનાં કર્મચારીને બંદૂક બતાવી બે લુંટારૂ રોકડા રૂપિયા 33 લાખની લુંટ કરી ગણતરીનાં સમયમાં ફરાર થઈ જતા પોલીસ દોડતી થઇ છે. પોલીસ સૂત્રો દ્વારા પ્રાપ્ત થતી વિગતો મુજબ, સુરતના ઉધના સિલીકોન શોપર્સમાં આવેલી આંગડિયા પેઢીનનો કર્મચારી સવારે ડીંડોલી ઓમ નગર નજીક ખુલ્લા મેદાન પાસેથી પસાર થતો હતો.

ત્યારે બે અજાણ્યા તેને બંદૂક બતાવી તેની પાસેના રોકડા રૂપિયા 33 લાખની લુંટ કરી ગણતરીના સમયમાં ફરાર થઈ ગયા હતા બનાવની જાણ થતા દોડી ગયેલી પોલીસે ઘટના સ્થળના સીસીટીવી ફૂટેજ મેળવી તેમજ આજુબાજુનાં લોકોની પૂછપરછનાં આધારે લૂંટારાઓને ઝડપી પાડવા કવાયત હાથ ધરી છે.