સુરત જીલ્લાના બારડોલી તાલુકામાં નાંદિડા ચાર રસ્તા નજીક બે બાઈક સામસામે ભટકાતા એક બાઈકમાં આગ લાગી ગઈ હતી. જ્યારે અન્ય બાઈક પર સવાર એક આધેડને ઈજા થતા તેમને સારવાર અર્થે સુરતની હોસ્પિટલમાં ખસેડવામાં આવ્યા હતા.

નાંદિડા ચાર રસ્તા નજીક બપોરના સમયે એક કેટીએમ ડ્યુક બાઈક અને અન્ય એક બાઈક સામસામે અથડાઈ હતી. જેથી કેટીએમ ડ્યુટમાં અચાનક આગ ફાટી નીકળી હતી અને જોતજોતમાં આગે ભીષણ રૂપ ધારણ કરતા બાઈક બળીને ખાખ થઈ ગઈ હતી. જયારે અન્ય બાઈક પર સવાર એક આધેડને ઈજા થતા તેને તાત્કાલિક સુરતની હોસ્પીટલમાં ખસેડવામાં આવ્યા હતા. આ ઘટનાની જાણ થતા પોલીસ સ્થળ પર પહોંચી તપાસ હાથ ધરી હતી.