સુરતના માન દરવાજા ટેનામેન્ટ પાસે ગતરોજ રાત્રે સાડા નવેક વાગ્યે વાપરવા માટે પૈસા આપવાની ના પાડનાર ટેમ્પો ચાલકને યુવકે વાસના બામ્બુથી કપાળ, પીઠના ભાગે ઢોર મારમાર્યો હતો.

પોલીસ સુત્રો પાસેથી મળતી માહિતી અનુસાર, માન દરવાજા પદમાનગરમાં રહેતા અને ટેમ્પો ચલાવતા અજરૂદ્નિ અમાનુદી્ન શેખ (ઉ.વ.૩૫) પાસે ગતરોજ રાત્રે સાડા નવેક વાગ્યે  માન દરવાજા ભાટીયા મોબાઈલની દુકાન પાછળ રહેતા નિજમુદ્દીન સિરાજુદીન શેખે વાપરવા માટે પૈસા માંગ્યા હતા. જોકે અજરૂદ્દીને પૈસા આપવાની ના પાડતા તે ઉસ્કેરાયો હતો અને ગાળાગાળી કરી તેના ઘર પાસે પડેલ વાસનો બામ્બુ લાવી કપાળ, પીઠના ભાગે ઢોર મારમાર્યો હતો. બનાવ અંગે સલાબતપુરા પોલીસે અજરૂ્દિનની ફરિયાદ લઈ નિજામુદ્દીન સામે ગુનો દાખલ કરી તપાસ હાથ ધરી હતી.