સુરતના પલસાણા તાલુકાનાં જતપોર ગામે આવેલ ખેતરમાંથી પસાર થતી હાઇટેન્શન લાઈનનો વાયર તૂટી ખેતરમાં પડતા શેરડીનો ઉભો પાક બળી જતાં ખેડૂતને નુકશાન થયું હતું. ઘટના અંગે ખેડૂતે પુરાવા સાથે વીજ કંપનીના ઉચ્ચ અધિકારીઓને અરજી કરી જાણ કરી હતી.

સુત્રો પાસેથી મળતી માહિતી અનુસાર, પલસાણાના જતપોર ગામે આવેલ બ્લોક-સર્વે નંબર 12 અને 19 વાળી ખેતીની જમીનમાં શેરડીનો પાક લગભગ તૈયાર જ થવા આવ્યો હતો કે, ખેતરમાંથી પસાર થતી વીજ કંપનીની હાઇટેન્શન લાઈનનો વાયર ગત તા.25 ઓગસ્ટના રોજ તૂટી પડતા શેરડી બળીને ખાખ થઈ ગઈ હતી. જે અંગેની માહિતી ખેડૂત અરવિંદભાઈ જેલાભાઈ પટેલએ જેટકો કંપનીના ઉચ્ચ અધિકારીઓને લેખિત પુરાવા સાથે ફરિયાદ કરી હતી.