બારડોલીની મીંઢોળા નદીમાં નાહવા ગયેલ 12 વર્ષીય કિશોરનું ઊંડા પાણીમાં ડૂબી જવાથી મોત નીપજયું હતું. મળતી માહિતી મુજબ, બારડોલીના તલાવડી વિસ્તારમાં રહેતા આસીફભાઈ ઉમરભાઈ શેખ (ઉ.વ.30) નાઓનો 12 વર્ષીય પુત્ર અયાન શેખ મીંઢોળા નદીમાં નાહવા માટે ગયો હતો. તે સમયે તે નદીના ઊંડા પાણીમાં જતાં તેનું ડૂબી જવાથી મોત નીપજયું હતું. બનાવ અંગે તેની માતા સગુપ્તાબેને બારડોલી પોલીસને જાણ કરતાં પોલીસે અકસ્માત મોતનો ગુનો નોંધી આગળની કાર્યવાહી હાથ ધરી છે.

​