સુરત શહેરના પાંડેસરા વિસ્તારમાં આવેલ ગણેશનગરમાં સ્ટેટ બેંક ઓફ ઇન્ડિયા દ્વારા એટીએમ મશીન મૂકવામાં આવ્યું છે જ્યાં રાત્રે અજાણ્યા તસ્કરોએ એસબીઆઈ બેન્કના એટીએમ મશીનને ટાર્ગેટ કર્યું હતુ. જોકે, તસ્કરોએ એટીએમ મશીન ગેસ કટરથી કાપ્યા બાદ મશીનમાં રહેલ રોકડા રૂપિયા ચોરી કરી નાસી છૂટયા હતા. જોકે ઘટનાની જાણ થતા જ પાંડેસરા પીઆઇ સહિત અધિકારીનો કાફલો ઘટના સ્થળે દોડી આવ્યો હતો. પરંતુ એટીએમ મશીનમાં હાલ કેટલી રકમ હતી તે જાણી શકાયું નથી. સૂત્રો પાસેથી એવી માહિતી મળી કે બેંકના એટીએમમાં દિવાળીના તહેવાર હોવાથી લાખો રૂપિયા સ્ટોરેજ કરવામાં આવ્યા હતા.