સુરત શહેરમાં નવી સિવિલ હોસ્પિટલના ગાયનેક વિભાગના વડા ડો.રાગીણીબેન વર્માને વહીવટી કામગીરીના બદલે દર્દીઓની સેવા કરવામાં રસ હોવાથી તબીબી અધિક્ષકનો વધારાનાં ચાર્જમાંથી મુક્ત કર્યા છે અને તેમની જગ્યાએ ફોરેન્સીક વિભાગના વડા ડો.ગણેશ ગોવેકરે બપોરે તબીબી અધિક્ષકનો ચાર્જ સંભાળ્યો છે. સિવિલમાં સારવાર માટે આવતા દર્દીઓની તકલીફો કઇ રીતે દુર કરી શકાય, સ્ટાફ ફરજ બરાબર બજાવે, સફાઇ બરાબર થઇ છે કે નહી, વગેરે બાબતની જાણકારી માટે અઠવાડીયાના બે દિવસ ડો.ગણેશ ગોવેકર સિવિલમાં ટ્રોમા સેન્ટર, ઓ.પી.ડી,વોર્ડ સહિતના વિભાગમાં સરપ્રાઇઝ રાઉન્ડ લેશે. જેમાં કોઇ કસુરવાર હશે તેની સામે કાર્યવાહી કરાશે તેવું તેમણે જણાવ્યુ હતુ.