સુરતનાં પલસાણા તાલુકાનાં બલેશ્વર ગામની સીમમાં નેશાલ હાઈવે ઉપર રોડ ક્રોસ કરી રહેલ એક અજાણ્યા શખ્સને કોઈ અજાણ્યા વાહન ચાલકે અડફેટે લેતા તેનું મોત નીપજયું હતું. સુત્રો પાસેથી મળતી માહિતી અનુસાર, રાત્રિના 8:30 વાગ્યાની આસપાસ એક અજાણ્યો પુરુષ પલસાણા તાલુકાનાં બલેશ્વર ગામની સીમમાં રીલીફ હોટલની પાસે નેશનલ હાઈવે નંબર-48 ઉપર રોડ ક્રોસ કરી રહયો હતો.

તે સમયે પૂરઝડપે હંકારી આવેલ કોઈ અજાણ્યો વાહન આ શખ્સને અડફેટે લઈ ભાગી છૂટ્યો હતો. સર્જાયેલા અકસ્માતમાં આ યુવાનનુ ગંભીર ઇજાના કારણે મોત નીપજયું હતું. આ અજાણ્યા શખ્સની  40 થી 50 વર્ષની ઉંમર જણાય આવી છે તેમજ તેણે શરીરે ટૂંકી બાયની સફેદ કલરની ટી-શર્ટ તથા લાલ કલરનું પેન્ટ પહેરેલ છે. ઘટનાની જાણ થતાં પલસાણા પોલીસ ઘટના સ્થળે પહોંચી મૃતદેહ કબ્જે કરી આ શખ્સના વાલીવારસની શોધખોળ હાથ ધરી હતી.