સુરતના પંડોળ ક્રિષ્ના ઈન્ડસ્ટ્રીઝના ખાતા નંબર-98નાં ધાબા ઉપર રાત્રે સુતેલા કારીગર ઉપર 2 અજાણ્યાઓએ ચપ્પુથી જીવલેણ હુમલો કરી ઉપરા છાપરી ઘા મારી ભાગી ગયા હતા. ગંભીર રીતે ઘવાયેલા કારીગરને સારવાર માટે હોસ્પિટલમાં ખસેડવામાં આવ્યો હતો.

સુત્રો પાસેથી મળતી માહિતી અનુસાર, પંડોળ રહેનત નગર ખાતે રહેતા અને ટીએફઓ મશીન ચલાવતા અનિલ દેવીપ્રસાદ નિસાદનો સાળો કંધી પંડોળ ક્રિષ્ણા ઈન્ડસ્ટ્રીઝના ખાતા નંબર-98નાં ધાબા ઉપર રાત્રે સુતેલો હતો. તે સમયે સવારના સવ્વા સાતેક વાગ્યે 2 અજાણ્યાઓએ કંધીને પેટ, પેઢુ, હાથ-પગ, પીઠ તથા કપાળના ભાગે ચપ્પુના ઘા મારી ભાગી ગયા હતા. કંધીને સારવાર માટે હોસ્પિટલમાં ખસેડવામાં આવ્યો હતો. બનાવ અંગે પોલીસે હત્યાની કોશીશનો ગુનો દાખલ કરી તપાસ હાથ ધરી હતી.