સુરત જિલ્લા એલ.સી.બી. શાખાના પોલીસ માણસો ઓલપાડ તેમજ કામરેજ પોલીસ સ્ટેશન વિસ્તારમાં પેટ્રોલીંગમાં હતા. તે દરમિયાન એલ.સી.બી. પોલીસ સ્ટાફનાં માણસોને ખાનગી રાહે બાતમી મળી હતી કે, ઓલપાડ પોલીસ સ્ટેશન પ્રોહીબીશનનાં ગુનામા નાસતા ફરતા આરોપી અજય વાઘેલા (રહે. દેલાડ ગામ, ઓલપાડ) નાઓ હાલમાં કનાજ ચોકડી પાસે ઉભેલ છે અને જેણે શરીરે કાળા કલરનું હાફ બાઇનુ શર્ટ તથા કાળા અને સફેદ કલરનો ચડ્ડો પહેરેલ છે.

તેવી ચોક્ક્સ બાતમીનાં આધારે પોલીસ સ્ટાફનાં માણસો બાતમી વાળી જગ્યાએથી વોન્ટેડ આરોપી અજય ઉર્ફે અજય વાઘરી ઘેલાભાઇ વાઘેલા (ઉ.વ.29, રહે.દેલાડ ગામ, ખરી ફળીયા, ઓલપાડ, જિ.સુરત) નાને પકડી પાડી તેના વિરૂધ્ધ કાયદેસરની કાર્યવાહી હાથ ધરી હતી.