બારડોલી પોલીસ સ્ટેશનની 500 મીટર અંતરમાં જ વિદેશી દારૂના અડ્ડાનો સ્ટેટ મોનીટરીંગ સેલની ટીમે પર્દાફાશ કરી બારડોલી પોલીસની નિષ્ક્રિયતા છતી કરી હતી. સ્ટેટ મોનીટરીંગ સેલે સુરતી ઝાંપા વિસ્તારમાંથી 43,790/- રૂપિયાનો વિદેશી દારૂ સાથે એક ઈસમને ઝડપી પાડ્યો હતો.

 

 

 

 

સુત્રો પાસેથી મળતી માહિતી અનુસાર, બારડોલી પોલીસ કચેરીના 500 મીટરના અંતરમાં જ સ્ટેટ મોનીટરીંગ સેલની ટીમે ગાંધી રોડ પર સુરતી ઝાંપા વિસ્તારમાં રહેતા સઈદ મહમદ પટેલના ઘરમાં છાપો મારી 382 બોટલ વિદેશી દારૂ કિંમત રૂપિયા 43,790/- ઝડપી પાડ્યો હતો. મોનીટરીંગ સેલની ટીમ બારડોલી પોલીસની નિષ્ક્રિયતા છતી કરી દીધી હતી.

 

 

 

 

પોલીસે સ્થળ પરથી એક મોબાઈલ ફોન કિંમત રૂપિયા 5000/-, રોકડા રૂપિયા 4740/-, આઇસ બોક્સ કિંમત રૂપિયા 500/-, પ્લાસ્ટિકની ડોલ કિંમત રૂપિયા 200/- આમ કુલ મળી 54,230/- રૂપિયાનો મુદ્દામાલ કબ્જે કર્યો હતો. પોલીસે સઈદ મહમદ પટેલની ધરપકડ કરી જથ્થો આપનાર મનોજ લાલસિંગ ચૌધરી (રહે.બાજીપુરા,તા.વાલોડ,જી.સુરત) નાને વોન્ટેડ જાહેર કર્યો હતો.