સુરતનાં બારડોલીનાં મોતા ગામે આવેલી ધી સુરત ડિસ્ટ્રિક્ટ કો-ઓપરેટિવ બેંકમાં ગત તા.12મી ઓક્ટોબરના રોજ બાઇક પર આવેલા ત્રણ લૂંટારુઓ બંદૂકની અણીએ રૂપિયા 10.42 લાખ રોકડાની લૂંટ કરી ભાગી છૂટ્યા હતા. જોકે આ સમગ્ર ઘટના સીસીટીવી કેમેરામાં પણ કેદ થઈ ગઈ હતી. તેમછતાં સ્થાનિક પોલીસ ઉપરાંત જિલ્લા પોલીસ છેલ્લા એક અઠવાડીયાથી લૂંટારૂઓને શોધવા માટે પ્રયાસ કરી રહી હતી જેમાં અનેક સીસીટીવી ચેક કર્યા બાદ પણ પોલીસને હજી સુધી કોઈ કડી મળી શકી નથી. પરંતુ બે દિવસ પહેલા સીસીટીવી ફૂટેજ જારી કર્યા બાદ ગતરોજ પોલીસે બે આરોપીઓના સ્કેચ બનાવ્યા છે અને હવે આ સ્કેચ જાહેર જગ્યાએ લગાવી તેને આધારે લુંટારૂઓને શોધવાની કામગીરી હાથ ધરી હતી.