સુરતના ઓલપાડ તાલુકાનાં કુડસદ ગામની સીમમાંથી ચોરી થયેલ મોટરસાઇકલ સાથે એક ઈસમને એલસીબી પોલીસે કીમ રેલ્વે ફાટકથી કુડસદ જતાં રોડ ઉપરથી ઝડપી પાડ્યો હતો.

સુત્રો પાસેથી મળતી માહિતી અનુસાર, સુરત જિલ્લા એલસીબી પોલીસની ટીમ ઓલપાડ વિસ્તારમાં પેટ્રોલીંગમાં હતી તે દરમિયાન બાતમી મળી હતી કે, કુડસદ ગામેથી ચોરી થયેલ મોટરસાઈકલ નંબર જીજે/05/એનઇ/2965 લઈ એક ઈસમ કીમ રેલ્વે ફાટકથી કુડસદ તરફ આવી રહયો છે. જે બાતમીના આધારે પોલીસે બાતમી વર્ણન મુજબનાઈસમને ચોરીની મોટરસાઈકલ સાથે ઝડપી પાડ્યો હતો અને તેની પૂછપરછ કરતાં ઈસમે ગુનાની કબૂલાત કરી હતી અને પોતાનું નામ શંકર રમેશ પાસવાન (રહે.કીમ ચાર રસ્તા) નો હોવાનું જણાવ્યુ હતું ત્યારબાદ એલસીબી પોલીસે તેનો કબ્જો કીમ પોલીસને સોંપ્યો હોવાનું જાણવા મળેલ હતું.