પુણા પોલીસને બાતમી મળી હતી કે, કેટલાક ઇસમો અફિણ અને ગાંજો લઈને સુરતમાં નિયોલ પાટિયા પાસેથી પ્રવેશનાર છે. જે બાતમીના આધારે પુણા પોલીસે નિયોલ પાટિયા પાસે વોચ ગોઠવી હતી. તે સમયે મધ્ય રાત્રીએ બાતમીવાળા 3 ઇસમો આવતા તેમને પકડી લીઘા હતા જેમાં 3 પૈકી વિક્રમસિંગ રાજપુત (રહે,ચિતોડગઢ) પાસેથી 1.19 કિલો અફિણ મળી આવ્યું હતું અને તેની સાથે દીપકસિંગ રાવ (રહે.ચિતોઢગઢ) અને ઉત્તમ બિસોઈ (રહે.ઓરીસા)ના પાસેથી 9.96 કિલો ગાંજો મળી આવ્યો હતો. આમ, પોલીસે 4.82 લાખનો મુદ્દામાલ કરી ત્રણેય વિરુદ્ધ કાર્યવાહી કરી અફિણ મોકલનાર ગણપતભાઈ ધાકડ (રહે.રાજસ્થાન) અને અફિણ મંગાવનાર રાજુ નામના ઈમોને ઉપરાંત ગાંજો મોકલનાર ગેદો ઉર્ફ મુન્ના અને ગાંજો મંગાવનાર મુસા નામના ઈસમોને વાન્ટેડ જાહેર કર્યા હતા.