કાપોદ્રા ઘરતીનગર રોડ સ્વામીનારાયણ મંદિર પાસે પાર્ક કરેલ ત્રણ કારના કાચ તોડી અજાણ્યો કુલ રૂપિયા 19 હજારના મતાની ડીસપ્લેની ચોરી કરી નાસી ગયો હતો. કાપોદ્રા પોલીસ સુત્રોના જણાવ્યા મુજબ, ઘરતીનગર રોડ લક્ષ્મીનારાયણ સોસાયટીમાં રહેતા અને હીરા ઘસવાની મજુરી કામ કરતા વિનોદ આણંદ સાવજ, રાજેશ પરષોત્તમ કાકડીયા અને પ્રવીણ ગોકળ સેજલીયાની સોસાયટી નજીક પાર્ક કરેલ કારના સાઈટનો કાચ તોડી અજાણ્યો ડીસપ્લે અને ડેસ્ક બોર્ડ પર લગાવેલ ફાઈબરનો પટ્ટો મળી કુલ રૂપિયા 19 હજારના મતાની ચોરી કરી નાસી ગયો હતો. બનાવ અંગે પોલીસે વિનોદભાઈની ફરિયાદ લઈ તપાસ હાથ ધરી હતી.