સુરતનાં ગોડાદરાની લક્ષ્મણનગર સોસાયટીમાંથી એસઓજીએ દેશી બનાવટના તમંચા સાથે યુપી વાસીનાં એક શખ્સને ઝડપી પાડી કાયદેસરની કાર્યવાહી હાથ ધરી હતી. સુત્રો પાસેથી મળતી માહિતી અનુસાર, પોલીસ સ્ટાફનાં માણસને મળેલ બાતમીનાં આધારે, પોલીસની ટીમે ગોડાદરાની લક્ષ્મણ નગર સોસાયટીના પ્લોટ નંબર-177 નજીક વંદના હેન્ડ પ્રિન્ટ પાસે મોપેડ નંબર જીજે/05/એનઆર/7854 પર બેઠેલા બછરાજસિંહ ઉર્ફે બબલુસિંહ જયરામસિંહ રાજપૂત (ઉ.વ.41, રહે.155, રઘુવીરધામ સોસાયટી, બૈજનાથ મંદિર પાસે, નિલગીરી રોડ, ગોડાદરા અને મૂળ.ટેઢા પચખુરા,તા.સુમેરપુર,જિ. હમીરપુર,યુપી) નાને ઝડપી પાડ્યો હતો.

જોકે પોલીસે શખ્સ પાસેથી દેશી બનાવટનો તમંચો કબ્જે લીધો હતો અને પોલીસે બૈજનાથની અટકાયત કરી તમંચો રૂપિયા 5 હજાર, મોબાઇલ અને મોપેડ મળી કુલ રૂપિયા 45 હજારનો મુદ્દામાલ કબ્જે લઈ કાયદેસરની કાર્યવાહી હાથ ધરી હતી.