સુરત જિલ્લાના પલસાણા તાલુકાનાં તાતીથૈયા ગામે રહેતો યુવક ઝારખંડ રાજ્યના ખાંટી પોલીસ સ્ટેશન વિસ્તારમાં રહેતી મહિલાનું અપહરણ કરી ગયો હતો. પલસાણા પોલીસે મહિલા અને અપહરણ કરી જનાર યુવાનની ધરપકડ કરી તેનો કબ્જો ઝારખંડ પોલીસને સોંપ્યો હોવાનું જાણવા મળે છે.

સુત્રો પાસેથી મળતી માહિતી અનુસાર, ઝારખંડ રાજ્યના ખાંટી પોલીસ સ્ટેશન વિસ્તારમાં રહેતી એક મહિલાને સુરત જિલ્લાના પલસાણા તાલુકાના તાતીથૈયા ગામે સાઈરામ સોસાયટીમાં રહેતો, આકાશ ગ્યાનચંદ પાસવાન નામનો યુવક અપહરણ કરી ગયો હતો. જે અંગે ઝારખંડ પોલીસ સ્ટેશનમા ગુનો નોંધાયો હતો. ત્યારબાદ ઝારખંડ પોલીસે પલસાણા પોલીસની મદદ માંગતા પલસાણા પોલીસે તપાસ હાથ ધરતા બાતમીના આધારે મહિલાનું અપહરણ કરનાર આકાશ પાસવાન (મૂળ રહે.તાજપુર, જિલ્લો.ગાજીપુર,યુ.પી) નાને પલસાણા વિસ્તારમાંથી ઝડપી પાડ્યો હતો અને તેનો કબ્જો ઝારખંડ પોલીસને સોંપવામાં આવ્યો હતો.