સુરતનાં ઓલપાડ તાલુકાનાં તળાદ ગામે રહેતી પરિણીતા બે બાળકો સાથે ગુમ થતાં ચકચાર મચી ગઈ હતી. જયારે પતિ સાથે ઝગડો થતાં તે બંને બાળકો સાથે ઘરેથી નીકળ્યા બાદ ગુમ થઈ ગઈ હતી અને તેની શોધખોળ કરવા છતાં હજુ સુધી કોઈ ભાળ મળી નથી. સુત્રો પાસેથી મળતી માહિતી અનુસાર, ઓલપાડનાં તળાદ ગામે ગુજરાતી સ્કૂલની સામે રહેતા હરીશભાઈ પરશોત્તમભાઈ રાઠોડ અને તેમની પત્ની મનીષાબેન વચ્ચે ગત તા.8 મે ના રોજ બોલાચાલી ઝગડો થયો હતો.

જે વાતને લઈ મનીષાબેન તેના બે બાળકો પ્રિન્સ (ઉ.વ.14) તથા દિવ્યમ (ઉ.વ.7) સાથે ઘરેથી નીકળી તળાદ ગામના પાટીયા પાસે તળાદ સ્કુલ સામે ઓલપાડથી સુરત જતા રોડ ઉપર આવ્યા બાદ કોઈને કાઈ કહ્યા વગર ક્યાંક ચાલી જઈ ગુમ થઈ ગઈ છે. પરિવારજનોએ શોધખોળ કરવા છતાં આ ત્રણેયની કોઈ ભાળ ન મળતા પોલીસ સ્ટેશનમાં ગુમ જાણવા જોગ ફરિયાદ નોંધાય છે.