સુરતનાં પલસાણા તાલુકાનાં ચલથાણ ખાતે ‘આઝાદી કા અમૃત મહોત્સવ’ અંતર્ગત આયુર્વેદ અને હોમિયોપેથીક સારવારનો મેગા કેમ્પ યોજાયો હતો. પલસાણામાં ચલથાણ ખાતે “આઝાદી કા અમૃત મહોત્સવ” કાર્યક્રમના ભાગરૂપે ગતરોજ સવારે ચલથાણ ખાતે ચંચળેશ્વર મહાદેવ મંદીર ગ્રામ પંચાયત સામે પલસાણા તાલુકાના મેગા કેમ્પનું આયોજન કરવામાં આવ્યું હતું જેમાં સુરત જિલ્લાના આયુર્વેદ તથા હોમીયોપેથી મેડિકલ ઓફિસરો દ્વારા સર્વ રોગ જેમાં ખાસ કરીને પેટના રોગો, સાંધાનાં દુખાવા,  સ્ત્રી રોગો, ચામડીનાં રોગો, ડાયાબિટસ, બાળકોનાં રોગો વગેરેનું નિદાન અને સારવાર વિના મૂલ્યે કરી આપવામાં આવી હતી.આ કેમ્પની અંદર લોકોને નિઃશુલ્ક રીતે દવાનું વિતરણ કરી ઇમ્યુનિટી પાવર માટે ઉકાળાઓ પણ પીવડાવવામાં આવ્યા હતા. સવારે આ કેમ્પ ચાલુ થતા જ લોકો પણ ઉત્સાહભેર કેમ્પમાં આપવામાં આવતી સેવાનો લાભ માટે પહોંચી ગયા હતા. આ મેઘા કેમ્પમાં ડો.કાજલ મઢીકર આયુર્વેદ દવાખાનું જોળવા તેમજ દસ્તાનના ડો.રિંકુ ઘેલાણી આયુર્વેદ દવાખાનું અમલસાડી ડો.કિંજલ દેવાણી આયુર્વેદ દવાખાનું બલેશ્વર અને ડો.રચના રાણા હોમિયોપથી દવાખાનું બગુમરા નાઓએ નિઃશુલ્ક સેવા આપી હતી.