સુરત જિલ્લાના મહુવા પોલીસ સ્ટેશન વિસ્તારમાં થયેલ મોટર સાયકલ ચોરીના ગુનામાં સંડોવાયેલા આરોપીને કામરેજ પોલીસે ખોલવડ ગામની સીમમાં નેશનલ હાઈવે નંબર-48 પરથી ચોરીની મોટર સાયકલ સાથે એક ઈસમને ઝડપી પાડી તપાસ હાથ ધરી હતી. 

સુત્રો પાસેથી મળતી માહિતી અનુસાર, કામરેજ પોલીસ સ્ટાફના માણસોને મળેલ બાતમીના આધારે, કામરેજ તાલુકાનાં ખોલવડ ગામની સીમમાં નેશનલ હાઇવે નંબર-48 ઉપર આવેલ જલારામ શો-રૂમની નજીકથી મહુવા પોલીસ સ્ટેશન વિસ્તારમાંથી ચોરી થયેલી એક મોટરસાયકલ સાથે એક ઈસમને પસાર થનાર છે. જેના આધારે કામરેજ પોલીસની ટીમે બાતમીના વર્ણન મુજબ મોટરસાયકલ પર એક વ્યક્તિ કેતન અરવિંદ પટેલ (ઉ.વર.29) આવતા પોલીસે તેને પકડી લીધો હતો અને પૂછપરચ હાથ ધરતા જાણવા મળ્યું હતું કે, મોટરસાયકલ મહુવા પોલીસ સ્ટેશન વિસ્તારમાંથી ચોરી કરી હોય કામરેજ પોલીસે તેની ધરપકડ કરી મહુવા પોલીસને કબ્જો આપવાની કામગીરી હાથ ધરી હતી.